Ökunám, og þá sérstaklega meiraprófsnám (aukin ökuréttindi), er fjárfesting til framtíðar. Sem betur fer bjóða flest stéttarfélög á Íslandi upp á verulega styrki til sinna félagsmanna í gegnum starfsmenntasjóði sína (svo sem Starfsafl, VR, Eflingu, Landsmennt eða önnur félög) þar sem námið flokkast undir starfstengt nám.

Algengt er að stéttarfélög endurgreiði á bilinu 75% til 90% af kostnaði við bókleg og verkleg námskeið, upp að ákveðnu hámarki á ári (sem getur numið tugum eða jafnvel hundruðum þúsunda króna). Helstu skilyrðin eru oftast þau að umsækjandi hafi verið virkur félagsmaður og greitt í sjóðinn í tiltekinn lágmarkstíma, oftast 6 eða 12 mánuði.

Til þess að sækja um styrkinn þarftu að framvísa greiddum og sundurliðuðum reikningi frá ökuskólanum ásamt staðfestingu á greiðslu. Gott er að hafa í huga að styrkirnir ná sjaldnast yfir prófgjöld Frumherja eða læknisskoðun, heldur eingöngu yfir sjálf námskeiðsgjöldin.

Við mælum eindregið með því að þú skoðir launaseðilinn þinn til að staðfesta í hvaða stéttarfélag þú greiðir, og skoðir síðan „Mínar síður“ á vef félagsins eða hafir samband við þjónustuver þeirra til að fá nákvæmar upplýsingar. Við hjá AKTU útvegum þér alla nauðsynlega reikninga og skráningarstaðfestingar hratt og örugglega svo umsóknarferlið þitt gangi sem smurðast fyrir sig.