Námið skiptist í bóklegan og verklegan hluta. Fyrst þarf að ljúka bóklegu grunnnámi (52 stundir) og sérnámi, síðan standast skriflegt próf hjá Frumherja. Að því loknu tekur við verkleg þjálfun hjá ökukennara sem endar með verklegu prófi.
AUKIN ÖKURÉTTINDI
Meirapróf
Ökuréttindi fyrir vörubifreiðar, hópbifreiðar og leigubíla
Reyndir kennarar
Með þér á veginum
Mögulegir styrkir frá stéttarfélögum
Sjá nánar um styrki →Aukin ökuréttindi
Meirapróf er samheiti yfir nám til aukinna ökuréttinda. Allir sem sækja nám til aukinna ökuréttinda þurfa að sitja bóklegt grunnnám sem er 52 kennslustundir. Námskeiðið er skilyrði fyrir ökuréttindum til að aka vörubifreiðum, hópbifreiðum og leigubifreiðum í atvinnuskyni. Námsefnið tekur til umferðarfræði, umferðarsálfræði, bíltækni og skyndihjálpar.
Hægt er að hefja námið allt að 6 mánuðum fyrir aldursmörk hvers réttindaflokks.
Námsfyrirkomulag
Grunnnám - 52 kennslustundir
Allir nemendur þurfa að ljúka bóklegu grunnnámi sem er 52 kennslustundir. Námið skiptist í fjóra hluta:
- Umferðarfræði: 12 kennslustundir
- Umferðarsálfræði: 12 kennslustundir
- Bíltækni: 12 kennslustundir
- Skyndihjálp: 16 kennslustundir
Sérnám og verklegt nám
Eftir grunnnámið tekur við sérnám og verklegt nám fyrir þann réttindaflokk sem þú velur. Sérnámið getur til dæmis verið Stór ökutæki, Ferða- og farþegafræði eða Eftirvagnar stórra ökutækja. Fjöldi kennslustunda og ökutíma fer eftir flokknum.
Aðstoð stéttarfélaga
Mörg stéttarfélög styrkja aukin ökuréttindi verulega - oft allt að 90% af kostnaði. Þetta getur lækkað kostnað um hundruð þúsunda króna.
- Efling/Starfsafl: Allt að 180.000 kr. á ári (540.000 kr. uppsafnað)
- VR: Allt að 180.000 kr. ef ökuréttindi tengjast starfi
- Landsmennt: Allt að 180.000 kr. fyrir aukin réttindi
Sjá nánar um styrki frá stéttarfélögum.
Gagnlegar upplýsingar
Nánari upplýsingar um nám og réttindi má finna á vef Samgöngustofu:
Algengar spurningar
Við bjóðum upp á sveigjanlegt nám sem hentar þínum þörfum. Hægt er að taka bóklega hlutann í fjarnámi þar sem þú lærir á þínum hraða, eða sækja fjarfundi þar sem farið er yfir efnið með kennara. Þú velur það sem hentar þér best.
Verkleg kennsla hefst eftir að bóklegu prófi er lokið. Fjöldi ökutíma er breytilegur eftir réttindaflokkum, en alltaf þarf að uppfylla lágmarksfjölda samkvæmt reglugerð. Náminu lýkur svo með verklegu prófi fyrir hvern flokk.
Kostnaðurinn fer eftir því hvaða réttindaflokka þú tekur og hvaða réttindi þú ert með fyrir. Til dæmis kostar C1-nám 220.000 kr. og C-nám 395.000 kr. samkvæmt gildandi verðskrá. Margir fá verulega styrki frá stéttarfélagi sínu.
Já, flest stéttarfélög styrkja aukin ökuréttindi þar sem þau teljast starfsmenntun. Efling/Starfsafl greiðir allt að 180.000 kr. á ári (540.000 kr. uppsafnað). Hafðu samband við þitt stéttarfélag til að kanna möguleika.
Eldri ökuréttindi geta haft áhrif á hvaða réttindi þú þarft að bæta við. Til dæmis veita ökuréttindi útgefin frá og með 12. apríl 1960 og fyrir 1. mars 1988 almennt rétt til að aka D1-flokki, en ekki hópbifreið til farþegaflutninga í atvinnuskyni. Best er að láta yfirfara ökuskírteinið áður en þú velur námsleið.
Já, ef þú ert með gilt skyndihjálparskírteini (ekki eldra en þriggja ára) sem uppfyllir kröfur um lengd (minnst 16 kennslustundir) er hægt að fá það metið inn í námið. Framvísa þarf skírteini til staðfestingar.
Þú þarft fyrst að hafa fullgild B-réttindi. Síðan skráir þú þig á námskeið og skilar umsókn um nýtt ökuskírteini til sýslumanns fyrir hvern réttindaflokk sem þú ætlar að taka. Umsókninni þarf að fylgja heilbrigðisvottorð sem er ekki eldra en þriggja mánaða, og ljósmynd ef mynd er ekki til í kerfinu.
Ef þú fellur á bóklegu prófi þarftu að bíða í eina viku áður en þú mátt taka það aftur. Fyrir verklegt próf þarf yfirleitt 1-2 kennslustundir til viðbótar áður en próf er tekið aftur. Flestir standast við fyrstu tilraun með góðum undirbúningi.